FrAwLa 23
Admin
 عدد الرسائل : 162
العمر : 36
Personalized field : 0
تاريخ التسجيل : 04/07/2008
 | موضوع: صنفره طبيعيه للجسم  الخميس أكتوبر 02, 2008 2:57 am | |
|
النهاردة جايبالكوا موضوع يمكن مايكونش جديد انما ان شاء الله طريقتى تكون جديدة وتفيد بنات كتير
طبعا كلنا عارفين صنفرة الجسم وفوايدها لإزالة الخلايا الميتة وتنشيط
الدورة الدموية, إلخ... وعارفين كمان معظم الطرق من أول ال body scrubs
ومرورا بالليفة المغربى ولحااااد الحجر بتاع القدمين دة, وهو كله صنفرة
برضه
بالمناسبة للبنات اللى مايعرفوش الحجر ده فيه منه الأسود وده اللى معظم
الناس عارفينه بتاع القدمين العادى دة, وفيه حجر أبيض دة بتبقى مسامه اضيق
كتير وبيبقى حنين قوى ع الجلد ودة لإزالة الجلد الميت فى المنطقة الرقيقة
حول الأظافر...
نرجع لموضوعنا : الصنفرة اللى جايباهالكوا النهاردة طبيعى 100% وفايدتها (تنعيم وصنفرة وتبييييض) وانا جربتها بنفسى وبجد حكاية.....مقاديرها ايه بقى؟؟
-ربع كوب أرز ونطحنه
-ربع كوب حمص فاتح ونطحنه برضه ((كله فى مضرب التوابل بتاع ماما))
-نصف كوب ملح خشن وإذا مفيش الملح العادى مقالش لأ أبدا
-فنجان صغييييير زيت زيتون - يعنى خدو بالكوا ماتزودوش لحد ماتبقى شوربة
بنخلط الكلام دة كله لحد مايبقى عجينة, هى هتبقى غير متماسكة, هتبقى محببة شوية كدة.
استعمالها بقى: بنرش الجسم بمية سخنة ويفضل يكون الجسم نظيف بنجيب
العجينة دى ونفرك بيها جسمنا كله بس بشويش, لمدة 10:15 دقيقة وبعد كدة
بنغسل الجسم تانى, هتلاقوا النتيجة من أول مرة بجد مفاجأة..
خدوا بالكوا بقى
- الكمية دى تكفى لمرتين مش مرة واحدة, يعنى ممكن تستعملى شوية وتشيليها.
- الصنفرة بشكل عاااااااااااام هى أقرب طريق لشيخوخة الجلد وعشان كدة اللى
بيقولوا نعملها كل أسبوع نقول احنا لأ, احنا أوكى نعمل صنفرة ونهتم بنفسنا
وكل حاجة انما كمان ناخد بالنا من تأثيرها على المدى الطويل, عشان كدة انا
بتسعمل الخلطة دى مرة كل شهر, ومادمنا بنهتم باستمرار يبقى هنحسّ بنتيجة 
- بما ان ريحة زيت الزيتون مش قد كدة فأنا عملت إضافة سحرية, اييييه بقى؟
بدل ما باحط فنجان بحاله بحط ملعقة صغيرة وبكمل بزيت الورد -أو أى زيت
عطرى انتى بتحبيه بقى- دة بقى كأنك عاملة حمام ورد , خصوصا انك بتفركى بيه
جسمك والعطر بيفضل ليومين تقريبا
-كمان فيه حاجة حلوة أوى, ممكن نشيل شوية مية دافية ونحط عليها شوية من
الزيت العطرى بتاعنا ونبقى نغسل بيها جسمنا بعد الصنفرة, دة هيخلّى الريحة
تفضل لمدة أطول
بس خدوا بالكوا من حاجاة مهممممة جدا
انا قرأت من كام يوم ان البرفانات للأسف بتسبب أمراض كتير, غير الحساسية
والكلام دة, انما للأسف حاجات وحشة جدا لما بتترش على الجلد بصفة مستمرة
ودة لاحتوائها على مشتقات كتير من مشاتقات البترول الخطيرة واللى بتدخل فى
تصنيعها أصلا ف أحسن حاجة هى الزيوت الطبيعية زى زيت الورد, أو الياسمين أو اللافندر, دول ان شاء الله مفيش منهم أى خطر...
بسسسس كدة... ابقوا جربوا وقولولى بقى | |
|
